وصفات اكل

طريقة عمل السماقية الغزاوية



السماقية الغزاوية

** مكوناتها : 
1_ 2 كيلو سلق 
2_ نص كيلو لحمة عجل طازجة
3_ ماء
4_ بصل 
5_ طحينية حمراء
6_ 2 كوب حمص منقوع
7_ البهارات ( هيل مطحون , ملح )
8_ نص وقية سماق حب 
9_ نص كوب كركديه 
10_ فلفل أخضر
11 _ جرادة ناشفة
12 _ كوب طحين

طريقة التحضير
الخطوة الاولى
نقوم بتقطيع اللحمة الى قطع صغيرة ونضعها بطنجرة على الغاز ونقلبها حتى تروح مية اللحمة منها على نار هادئة ثم نضع الماء ونسلقها حتى تنضج نضع الهيل المطحون والفلفل الاسمر ولكن بنقطع بصلة صغيرة حتى تروح زفرة اللحمة وبنضع كوبين كبار من الحمص المنقوع حتى نسلقه ونترك اللحمة حتى تنضج 
الخطوة الثانية
نقوم بغلي السماق ونضع معه شوية كركديه حتى يعطينا لونه حلو ولما يغلي السماق بنغطيه وبنطفي الغاز عليه وبنتركه حتى نتأكد انه حموضة السماق نزلت 
الخطوة الثالثة
بنغسل اوراق السلك جيدا وبنقطعهم الى قطع صغيرة ونضع القليل من عصب السلق 
الخطوة الرابعة
بنجيب طنجرة كبيرة نضع فيها زيت نباتي وبصل شرائح وبنحركه حتى البصل يدبل جيدا ويتغير لون البصل ودبل ولما اتاكد انه دبل حنضع السلق المقطع ونتركه حتى يدبل على الاخر ويفضل السلق يكون من قبل بيوم بالثلاجة حتى يدبل السلق معك بسرعة لانه لما يكون طازج بغلب لما يذب وبتفضل فيه خشونة 
الخطوة الخامسة 
بنجهز الدقة عبارة عن قرنين فلفل اخضر ومعلقة جرداة نشافة وبندقهم كويس حتى المادة العطرية للجرادة تطلع وبندق نص راس ثوم معها وبنخليهم ناعمين وبنضعهم فوق السلق والبصل بالطنجرة وبنضع معلقة كمون كبيرة وبنحركهم كويس وبنتركهم على نار هادئة جدا .
الخطوة السادسة
هلا السماق بنحط فوقه كوب طحين وبنحرك الطحين بالمضرب اليدوي حتى اتاكد انه الطحين داب جيدا بالسماق
الخطوة السابعة
من تحت مصفاية ثقوبها صغيرة بنزل السماق وميتة وبصفيهم كويس وبواسطة ايدي بضغط عليه وبنزل كل حموضته 
الخطوة الثامنة
السماق الحب ما برميه بحط فوقه كوب ماء وبرجع انزله من تحت مصفاية ثقوبها صغيرة وبضغط عليه بايدي 
الخطوة التاسعة
بضع اللحمة المسلوقة فوق السلق والبصل وبقلبهم مع بعض وهلا بضع كل كمية السماق الموجودة وبضع مرق لحمة فوقهم حتى اتاكد انه المكونات مش مبينة كتير والمرقة اعلى من المكونات وهلأ بنختبر بدها طحين او لا 
لازم قوامها يكون جامد مش طري بنحركه كويس حتى يغلي ويطلع فقاعات وبشوفه جامد ولا لا 
لو مش جامد بتجيبي كاسة مية كبيرة بتدوبي فيها 4 ملاعق كبيرة طحين وبتحركيهم وبتنزليهم من تحت مصفاية ثقوبها صغيرة 
وبحركهم حتى يصبح الخليط جاهز 
الخطوة العاشرة
بنحضر 3 ارباع كوب كبير من الطحينة الحمراء وبنحرك المكونات كلها كويس حتى تبين الفقاعات بعرف انها نضجت الطبخة عندي
الخطوة الحادي عشر
وبنفس كوب الطحينة نضع كوب من زيت الزيتون فوق الطبيخ لكن بعد م اطفي الغاز  بيعطي طعم رائع لكن فيكي تستغني عنه لكن بيعطينا طعم رائع 
وهيك انتهينا من هالوصفة الرائعة وبنسكبها بصحون وتقدم مع الزيت والزيتون
وصحة وهنا 

** لمشاهدة طريقة التحضير بالتفصيل ارجو مشاهدة الفيديو أدناه

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق