الباستا الايطالية
المكونات
نص كيلو بكيت مكرونة
نص كيلو صدر دجاج
كوبين كريمة طبيخ
بصلة كبيرة مقطعة مربعات
قطعة زبدة
كوبين حليب
علبة قشطة
البهارات ( معلقة صغيرة بهار دجاج ومعلقة صغيرة بابريكا وملح ونص معلقة فلفل اسود )
علبة فطر
معلقة ماجي بودرة
ربع معلقة جوزة الطيب
كوب ذرة مسلوقة
طريقة التحضير
الخطوة الاولى
بقلاية كبيرة بضع قطعة زبدة كبيرة وبشوح فيها البصلة حتى تقرب تذبل
الخطوة الثانية
بنزل صدر الدجاج المقطع مربعات وبقلبه مع البصلة وبضع فوقه البهارات وبحركه جيدا حتى ينضج صدر الدجاج
الخطوة الثالثة
بنزل فوقه علبة الفطر وبقلبهم جيدا
الخطوة الرابعة
بنزل فوقه الحليب وعلبة القشطة وجوزة الطيب وبحركهم جيدا حتى تندمج المكونات
كوب من الحليب ل 3 كوب حسب كمية المكرونة وعلبة قشطة ومعلقة الماجي
الخطوة الخامسة
بنزل فوقهم كوب من الذرة وبقلبهم
الخطوة السادسة
بربع كوب ماء بدوب معلقة طحين كبيرة وبضعها بالقلاية فوق الكريمة وبحركهم جيدا
الخطوة السابعة
بضع المكرونة فوق خليط الكريمة بالقلاية وبحركهم جيدا وبتركهم يتسبكو
الخطوة الاخيرة
اخر خطوة بضع صحن جبنة مبشورة فوق المكرونة وبغطي القلاية بغطاء حتى تتسبك المكرونة وتسيح الجبنة
وبسكبو بصحن التقديم وبزينه بقطعة شنتسل
وصحة وهنا
